> asyncyn>

PIKUNATAQ KANIKU

Qamrayku punchawchasqaqa 27 kuski killapi, 5526/2018 watapim paqarimurqan.

Wanka Willka samana wasipim, 25 punchaw kuski killapi, Benito, Cesáreo, Mery, Vilma, Humberto, Elmer hinaspa ñuqa huñunakuykurqaniku. Paykunawan kuskam huk umayuqhinalla kallpachakuykuspayku Qamrayku yurichinaykupaq kallpawan rimankuykuniku.

Manam killallapas ripurqaraqchu Elmer chiriyakuykuspa upallalla huñumanta asurikun. Hina qipallanman Hubertupas, mana imata nispa, ripukun. Vilmapas iskay

kimsa Qamraykupi chiriyakuykuspa hukmanyasqa upallarqun. Benituqa hikutakuchkarqam, rikurimuqraq, chinkaqraq, rikurimuqraq chinkaqraq chaymantaqa chinkarqunpuni. Suqtankumanta iskayllaña qiparqunku. Ancha anchatam paykunata riqsikuykuni, mana paykuna kallpachawaptinqa manach QAMRAYKU llaqtan llaqtanchu purichkanman karqan. RIQSIKULLAYKICHIK.

27 punchaw, kuski killapi, 5226/2018 watapi, qichwa siminchikpaq hatun punchawninpi Aya Kuchumantapas iskay warmi iskay qari hamuspanku Qamraykuman huñukaykamunku.

Lidia, Flora, Guillermo, Edwin ancha ancha kusisqa, ancha munayniyuq rimaykunku. Llamkasunmi, imaña kaptinpas llamkana kaptinqa qichwanchikrayku, llaqtanchikrayku rurasunmi, nispam nirqaku. Chay punchawlla Florataqa qawaykuni (chinkaspam aswan kutiykamun), Lidiapa kallpanpas pisiyarquptin asurikuyta munaspa aswan kutiykamullan. Guillermupas hina chiriyasqapas hinallam purichkan. Wawqichay Edwinmi icha mana atistinpas hinalla hikutakuchkan. Kay llamkayqa chakanachusmi.

Killakuna purisqanmanhinaqa QAMRAYKUPAS kallpachakuytam qallaykun, wiñaytam qallaykuniku. Kunanqa manam Wanka Willkallapichu, Aya Kuchullapichu, Limapipas purichkanñam, Apu Rimaqmanpas chayarqunñam.

Wayrahinam llaqtan llaqta pawchkan, Alimaniyapipas ñam ñawicharqunkuña.

Kaynam QAMRAYKU punchawchasqa allichasqa kachkan:

Qamrayku umalliq:
Genaro R. Quintero Bendezú.

Aya Kuchu suyupi qawaq:
Jessica Vera Oré

Wanka Willka suyupi qawaq:

Teodosia Yura Huamaní.

Qullqi qawaq:

Mery Espinoza Rojas.

Llutanman mana yaykunapaq qawaq:
Eder Orestes Oré Velasque.

Yanapaqkuna:

Edwin Luciano Campos. Guillermo Allcca Juan de Dios, Julia Castillo Ccanto. Holger Saavedra Salas. Javier Armando Vargas Cahuana. Laoreana Jorge Inga. Sonia Baltazar Mancha. Fisher Mamani Moro. Eder. Basilea Gamarra Saldívar. Flora Juana Flores Molina. Lidia Díaz Sullca. Alicia González Sotacuro. Nilo Humareda Muñoz. Carlota Doris Castro Mendoza hinaspa Marcelino Inolvidable Campos Talavera.